MKURUGENZI MTENDAJI BW. ELIAS M. KAYANDABILA AKABIDHIWA OFISI RASMI

Imewekwa : August 11th, 2021

Mkurugenzi Mtendaji wa Halmashauri ya wilaya ya Muleba Bw. Elias M. Kayandabila aliyeteuliwa na Rais wa Jamhuri ya Muugano wa Tanzania Mhe. Samia Suluhu Hassan mnamo tarehe 01.08.2021 kuwa Mkurugenzi Mtendaji  wa Halmashauri ya wilaya ya Muleba amekabidhiwa ofisi rasmi na aliyekuwa Mkurugenzi Mtendaji Bw. Emmanuel Sherembi  ambaye ameteuliwa kuwa Mkurugenzi Mtendaji wa Halmashauri ya wilaya ya Ukerewe.

Akishuhudia makabidhiano hayo Mwenyekiti wa Halmashauri ya wilaya ya Muleba Mhe. Justus Magongo amemshukuru na kumtakia kila la kheri aliyekuwa Mkurugenzi Mtendaji wa Halmashauri Bw. Emmanuel Sherembi katika kituo chake kipya cha kazi. Amemsihi mazuri aliyotekeleza Muleba akayaendeleze na wilaya ya Ukerewe. Pia amemkaribisha Mkurugenzi Bw. Elias  M. Kayandabila kuendeleza majukumu ya kuwaletea maendeleo wana Muleba.

Makabidhiano hayo yamefanyika tarehe 11.08.2021 katika ofisi ya Mkurugenzi Mtendaji na kushuhudiwa na  Mwenyekiti wa Halmashauri na wakuu wa Idara na Vitengo.

Aidha baada ya kukabidhi ofisi Bw. Emmanuel Sherembi amemshukuru Mwenyekiti wa Halmashauri kwa niaba ya madiwani wote na watendaji kwa ushirikiano waliompa kipindi chote cha utekelezaji wa majukumu yake akiwa wilayani Muleba.

Naye Mkurugenzi Mtendaji Bw. Elias Kayandabila ameomba apewe ushirikiano kama ambao alikuwa akipewa Mkurugenzi anayeondoka ili kuendeleza pale alipoishia kwa manufaa ya kuwaletea maendeleo wana Muleba.

Bw. Elias Kayandabila ni Mkurugenzi wa 11 tangu kuanzishwa kwa Halmashauri ya wilaya ya Muleba mnamo mwaka 1982.