HALMASHAURI YA MULEBA YASAINI MKATABA WA UJENZI WA SOKO LA KISASA

Imewekwa : January 22nd, 2025

Halmashauri ya Wilaya ya Muleba Mkoani Kagera leo Januari 22,2024 imesaini Mkataba wa ujenzi wa jengo la kisasa la biashara eneo la soko kuu la Muleba na Mkandarasi wa kampuni ya ujenzi ya Intergo Campany Limited wenye thamani ya shilingi bilioni 1.7

Akisoma taarifa ya ujenzi wa jengo hilo la kisasa Mkurungezi Mtendaji wa Halmashauri,Ndugu Isaya Mbenje amesema kuwa ujenzi wa jengo hilo katika eneo la soko kuu umetokana na bajeti ya makusanyo ya mapato  ya ndani.

Ndugu Mbenje, amesema utekelezaji wa mradi huo utatoa fursa za ajira kwa wazawa wa wilaya ya Muleba na kuwasaidia kujikwamua kiuchumi sambamba na kuongeza wigo wa ukusanyaji wa mapato katika halmashauri.

Aidha,Ndugu Mbenje ameongeza kuwa ujenzi wa soko hilo unatarajiwa kufanyika  kwa muda wa miezi sita kuanzia Januari 24 hadi Julai 25 Mwaka huu ambapo Mkandarasi atatakiwa kukabidhi jengo likiwa tayari limekamilika kwa mujibu wa mkataba ambao umesainiwa.

Akihutubia wananchi Mwenyekiti wa Halmashauri, Mhe Magongo Justus amemtaka mkandarasi anayejenga jengo hilo kuhakikisha anafanya kazi kwa kuzingatia makubaliano ya mkataba ili mradi huo uweze kukamilika kwa wakati.

Aidha ametoa wito kwa wananchi wa Wilaya ya Muleba pamoja na wafanyabiashara kutoa ushirikiano ili kuleta matokeo chanya na kuwahakikishia wafanyabishara kuwa uongonzi utaandaa mpango kazi ambao utatolewa mapema lengo ikiwa ni kutoa taarifa ili waweze kupisha ujenzi wa mradi huo.

“Mpango kazi utandaliwa mapema sana na mtapewa taarifa ili muweze kupisha mradi na mradi utakapo kamilika wafanyabishara wote watarudi katika maeneo yao na kuendelea na majukumu yao kama ilivyokuwa awali katika mazingira rafiki”,amesema.

Mradi huo utajengwa kwa awamu mbili ambapo awamu ya kwanza litajengwa jengo la mbele la ghorofa lenye vyumba 84 na awamu ya pili litajengwa jengo lisilo na ghorofa la vyumba 96 na mradi mzima wa soko la kisasa utakuwa umekamilika kwa kiasi cha Shilingi Bilioni 3.5.