KITUO CHA AFYA KAIGARA CHA THIBITISHA UTOAJA WA HUDUMA BORA KWA WAZEE

Imewekwa : June 24th, 2021

Mganga Mfawidhi wa kituo cha afya Kaigara Dr. Amlan Kite amewataja wazee kuwa ni miongoni mwa watu 

wanaopewa kipaumbele katika kupatiwa huduma bora za afya kwenye siku ya wiki ya utumishi wa umma 

alipotembelewa na wakaguzi kutoka Halmashauri ya Wilaya Muleba.

Dr. Amlan Kite amesema kwamba katika kuhakikisha wazeee wanapatiwa huduma iliyo bora wameweza

kufanikisha zoezi la kuweka bango nje ya mlango wa kuingilia kituoni hapo kwa kuandika "MPISHE MZEE

APATE HUDUMA" maneno ambayo yameandikwa kwenye bango ili kuonyesha ni kwa jinsi gani kituo cha 

Kaigara kinatekeleza jukumu la kuhakikisha kwamba mzee anapewa kipaumbele katika kupatiwa huduma

iliyobora ya kiafya.

"Ukishaingia pale mapokezi kuna kibao ambacho kimeandikwa "MPISHE MZEE APATE HUDUMA", 

tunachokifanya asubuhi mtu ambaye yupo kwenye dirisha la huduma kwa wateja anaanza kwanza na wazee

kwa kuangalia kama kuna mgonjwa mwenye uhitaji wa huduma ya haraka kama asipokuwepo tunaanza na

wazee" Ameeleza Dr. Amlan Kite.

Lakini pia ameweza kuongeza kwa kueleza ni kwa namna gani wazee wanapata huduma ya dawa ambapo

ameeleza kuwa wazee wapo kwenye makundi ya wanaolipa na wasio lipia kwa kuzitaja sifa za mzee ambaye

hatatakiwa kulipia huduma.

"Wazee tumewaweka kwenye makundi kuna makundi ambayo wazee wanalipia na wasiolipia kwa wasio lipia ili 

uweze kuwekwa katika kundi la wazee ambao hawalipii kuna vigezo huwa tunavizingatia kigezo cha kwanza

anatakiwa kuwa na umri wa miaka kuanzia sitini(60), lakini kigezo cha pili mzee asiwe na mtoto yeyote mwenye

uwezo wa kumsaidia kimatibabu na kigezo cha tatu mzee asiwe na aina yeyote ya kipato tukishajiridhisha kuwa

mzee ana vigezo hivi mzee atatakiwa kwenda kwa mwenyekiti kupatiwa baarua na huduma zake zitakuwa ziko 

huru kabisa". Ameeleza Dr. Amlan Kite.

Kwa upande wa bima ya afya Dr. Amlan Kite ameeleza kuwa kituo cha afya Kaigara kinatoa huduma ya bima 

ya aina mbili ya kwanza ni CHIF iliyoboreshwa na NHIF, na kuongeza kuwa wanajitahidi kuwa wanatoa dawa

kwa kuhakikisha kuwa mteja mwenye bima ya afya anapatiwa huduma bora.

Kwa upande mwingine Dr. Amlan Kite ameweza kuzungumzia suala la usalama katika kituo cha afya Kaigara

Dr. Amlan amesema kuwa kituo hakina uzio ila kituo kina walinzi wawili ambao wanaingia kwa zamu usiku

ili kuhakikisha usalama upo kituoni hapo.

"Hatuna uzio kwa sasa lakini bado nafikiri kwa pesa illiyopo haitatosha kumalizia lakini mbali na uzio tunao 

walinzi ambao hulinda usiku kwa hiyo kwa suala la usalama tunatumia walinzi". amemalizia Dr. Amlan Kite.