HALMASHAURI YA MULEBA YAPOKEA TUZO KUTOKA MSD KANDA YA KAGERA.

Imewekwa : July 3rd, 2024

Halmashauri ya Wilaya ya Muleba leo tarehe 3 Julai, 2024 imepokea tuzo ya ulipaji na ununuzi wa Dawa na Vifaa Tiba kwenye vituo vyake vya afya kwakutumia mapato ya ndani kutoka Bohari ya Dawa na Vifaa Tiba(MSD) kanda ya Kagera.

Tuzo hiyo imetolewa na Meneja wa Bohari ya Dawa na vifaa tiba (MSD) Kanda ya Kagera ndugu Kalendero Masatu na kupokelewa na Mkurugenzi Mtendaji wa Halmashauri ya Muleba ndugu Isaya Mbenje ofisini kwake.

Tuzo hiyo ya pongezi na shukrani imetolewa kama ishara ya kuthamini mchango mkubwa wa Halmashauri ya Muleba kwenye ununuzi wa dawa na vifaa tiba katika kuhakikisha huduma za afya  zinatolewa kwa ubora na kwa wakati.