CHUO CHA VETA NDOLAGE CHAPENDEKEZA KUPEWA HADHI YA KUWA CHUO CHA WILAYA

Imewekwa : June 24th, 2021

Mkuu wa chuo cha VETA Ndolage Eng. Machumu K. Machumu ameomba ushirikiano na  uongozi wa Halmashauri 

ya Wilaya Muleba kukipa hadhi chuo cha VETA Ndolage kuwa Chuo cha wilaya katika siku ya madhimisho ya wiki 

ya Utumishi wa Umma alipotembelewa Chuoni hapo.

Eng. Machumu K. Machumu amewambia wakaguzi kutoka Halmashauri ya Wilaya ya Muleba kuwa chuo cha VETA

Ndolage kikipandishwa hadhi kuwa Chuo cha Wilaya miundombinu inayokosekana lazima itawekwa ili kiweze kufikia 

hadhi inayostahili kuwa kabisa chuo cha wilaya.

"Kama hiki mkishasema ni chuo cha wilaya lazima miundombinu yote inayokosekana itawekwa ili kuweza kufikia ubora

wa kuwa kabisa chuo cha wilaya, kwa mfano vyuo vingine ambavyo ni vikubwa kabisa unakuta wanatumia mifumo ya 

SPJ kwa hiyo nafikiri nyinyi mkishaomba kuwa chuo cha VETA  Ndolage kiwe cha wilaya basi na sisi tutakuwa na uwezo 

wa kufikia hadhi  kubwa kama vyuo vya vyeta vingine". ameeleza Eng. Machumu K. Machumu.

Katika ripoti yake Eng. Machumu K. Machumu ameweza kuwaeleza wakaguzi baadhi ya huduma zitolewazo Chuoni hapo

ni pamoja na mafunzo ya mda mrefu miaka miwili (2), katika fani nne (4) ambazo ni Uhazili, Uashi, Uungaji vyuma na 

Teknolojia ya nguo kwa masomo ya kutwa na vilevile ameweza kueleza kuwa Chuo mafunzo kinatoa mafunzo ya mda 

mfupi katika fani za Ufugaji, Kilimo, Uashi, Kompyuta, Uungaji vyuma, Uhazili na Teknolojia ya nguo. 

Mbali na hayo Mkuu wa Chuo cha VETA Ndolage  amesema kuwa Chuo kinatoa  huduma mbalimbali nje ya mafunzo 

ya kawaida kama vile kufanya shughuli za Ujenzi, Kushona sare za shule  mbalimbali pamoja na kutengeneza bidhaa

za chuma  kama vile mageti madirisha na milango.

Aidha, Mkuu wa Chuo cha VETA  Ndolage ameweza kuongeza kwa kueleza kuwa Chuo cha VETA Ndolage pia kinatoa 

mafunzo ya ziada ikiwa ni pamoja na kutengeneza Wine kwa kutumia ndizi pamoja na kutengeneza vitafunwa kama

clips zinazotokana na zao la ndizi, na kueleza kuwa mafunzo hayo hutolewa na watu wa SIDO kwa kushirikiana na 

walimu wa VETA.

"Ikifika mda wa kuanzia saa nane mchana kuna watu wengi kama mia nne (400) huja chuoni hapa kwa ajiri ya kujifunza

kutengeneza Wine kwa kutumia ndizi pamoja na kutengeneza Clips kama vitafunwa vinavyotokana na zao la ndizi na 

wanaotoa mafunzo ni watu wa SIDO kwa kushirikiana na walimu wa VETA na baada ya mafunzo tunategemea watu 

watatengeneza vikundi ili waanze kuzalisha bidhaa zinazotokana na ndizi". amemalizia Eng. Machumu K. Machumu.