WANAOKWENDA KUSHIRIKI MICHEZO YA SHIMISEMITA WAHIMIZWA KWENDA KUSHIRIKI VYEMA MASHINDANO HAYO

Imewekwa : October 15th, 2023

• Mkurugenzi Mtendaji wa Halmashauri ya Wilaya ya Muleba Dr. Peter Nyanja amewahimiza wanamichezo wanaokwenda kushiriki mashindano ya SHIMISEMITA kwenda kushiriki vyema mashindano hayo ili waweze kufuzu na kuleta ubingwa Wilayani Muleba.
  
  Akizunguma wakati akiziaga timu za Watumishi wa Halmashauri ya Wilaya ya Muleba zinazokwenda kushiriki mashindano hayo Mkurugenzi Mtendaji amewaeleza kuwa wanapokwenda kushirki michezo hiyo wawe na nidhamu na wawe waadirifu hasa kwa kuwasikiliza viongozi wao na makocha wa  timu zao.
  
  Lakini pia amewahimiza kwenda kushiriki michezo hiyo kwa kujituma ili waweze kushinda na kurudi na ushindi katika michezo hiyo.
  
  Mashindano ya michezo hiyo yatakayofanyika Mkoani Dodoma  yataanza tarehe 19/10/2023 hadi tarehe 30/10/2023 na michezo  itakayofanyika ni michezo ya mpira wa miguu kwa wanaume, mpira wa pete,karata,riadha,na kuvuta kamba kwa wanaume na wanawake.